«Дене шынықтыру және спорт» мектебі

«ДЕНЕ ШЫНЫҚТЫРУ ЖӘНЕ СПОРТ» МЕКТЕБІ

Мектеп тұралы

«Дене шынықтыру және спорт» мектебі – дене шынықтыру мен спорт саласында жоғары білікті, бәсекеге қабілетті мамандарды даярлау ісінде маңызды рөл атқарып отырған Университеттің жетекші құрылымдық бөлімшелерінің бірі болып табылады.

Қазіргі уақытта мектепті PhD, профессор Омаров Бақытжан Сұлтанұлы басқарады. Оның жетекшілігімен мектеп жоғары ғылыми-педагогикалық әлеуетке ие ұжым ретінде білім беру және ғылыми-зерттеу салаларында қарқынды жұмыс жүргізуде.

Мектепте терең теориялық білімі, кәсіби тәжірибесі және заманауи педагогикалық әдістерді меңгерген жоғары білікті профессорлық-оқытушылық құрам қызмет атқарады. ПОҚ-тың құрамда 32 маман жұмыс істейді, олардың ішінде:

• 3 ғылым докторы;
• 5 PhD докторы;
• 7 ғылым кандидаты;
• 4 адъюнкт профессор;
• 12 аға оқытушылар;
• 1 оқытушы;

Сонымен қатар оқытушылар құрамының ішінде:

• 3 халықаралық дәрежедегі спорт шебері;
• 3 КСРО спорт шебері;
• 4 Қазақстан Республикасының спорт шебері;
• 5 ҚР жоғары оқу орындарының «Үздік оқытушысы» атағының иегері;
• 1 ҚР Құрметті спорт қайраткері;
• 1 ҚР Құрметті спорт қызметкері;
• 2 ҚР Еңбек сіңірген жаттықтырушы қызмет атқаруда.

Мектеп «6В11106 – Спорттық туризм» және «6В11107 – Спорттық-сауықтыру фитнесі» білім беру бағдарламалары бойынша кәсіби қызметті жүзеге асыруға қабілетті, жан-жақты білімді, құзыреттілігі жоғары, еңбек нарығында сұранысқа ие мамандарды даярлауды мақсат етеді. Аталған бағдарламалар бойынша профессорлық-оқытушылық құрамның ғылыми дәрежелілік көрсеткіші 50%-дан асады. Бұл мектептің білім беру сапасының жоғары деңгейде екенін дәлелдейді.

Университетімізде білім алып жатқан студенттерге таңдап алған спорт түрлері бойынша өз қабілеттерін кәсіби деңгейде дамытуға және түрлі жарыстарға қатысуға кең мүмкіндіктер жасалған. Олар университет атынан Әлемдік, Азиялық, Халықаралық, Республикалық деңгейдегі жарыстарға, Қазақстан Республикасы жоғары оқу орындары арасында өткізілетін қысқы және жазғы Универсиадаларға, сондай-ақ студенттік лигаларға қатыса алады.

Бұл бағытта студенттердің спорттық жетістіктері мен кәсіби дамуын қамтамасыз етуде «Дене шынықтыру және спорт» мектебі маңызды рөл атқарады. Мектеп келесі білім беру бағдарламалары бойынша мамандар даярлауды жүзеге асырады:

• 6В11106 – Спорттық туризм
• 6В11107 – Спорттық-сауықтыру фитнесі

Аталған білім беру бағдарламалары еңбек нарығында сұранысқа ие, кәсіби құзыреттілігі жоғары, заманауи талаптарға сай мамандарды даярлауға бағытталған. Бағдарламалар шеңберінде студенттерге теориялық біліммен қатар тәжірибелік дағдыларды меңгеруге де кең мүмкіндік беріледі.

«Дене шынықтыру және спорт» мектебінде жүзеге асырылатын білім беру бағдарламалары еңбек нарығының сұраныстарына толықтай жауап береді. Аталған бағдарламалар бойынша біліктілік алып шыққан түлектер төмендегі салалар мен ұйымдарда кәсіби қызмет атқара алады:

6В11106 – Спорттық туризм

Бұл білім беру бағдарламасының түлектері келесі бағыттар бойынша жұмыс істеуге қабілетті:

Мемлекеттік және ұлттық ұйымдар:

• «Kazakh Tourism» ұлттық компаниясы;
• Мәдениет және туризм басқармалары;
• Туризм басқармалары;
• Спорттық туризм және альпинизм федерациялары;
• Қазақстан Республикасы Спорт және дене шынықтыру істері комитеті;
• Экология және табиғи ресурстар министрлігі (экотуризм және ұлттық парктер бойынша);
• Өңірлік әкімдіктердің дене шынықтыру және спорт басқармалары.

Туристік және спорттық ұйымдар:

• Сауықтыру-демалыс мекемелері;
• Спорттық-сауықтыру орталықтары;
• Балалар-жасөспірімдер мен жастардың белсенді туризм орталықтары;
• Халықаралық туризм және спорт федерацияларының өкілдіктері;
• Adventure Travel Trade Association (ATTA) секілді спорттық-экстремалды туризм ұйымдары;
• UNWTO (БҰҰ-ның Дүниежүзілік туристік ұйымы) жобаларымен серіктес ұйымдар.

Жеке кәсіпкерлік және коммерциялық құрылымдар:

• Экстремалды спорт клубтары (рафтинг, параглайдинг, маунтинбайк және т.б.);
• Туристік құрал-жабдықтарды жалға беру орталықтары (шаңғы, альпинизм, велосипед және т.б.);
• Спорттық киім және құрал-жабдық дүкендері;
• Спорттық-туристік шаралар ұйымдастыратын жеке компаниялар;
• Туристік журналдар мен медиа платформалар;
• Ақпараттық туризм орталықтары (қалаларда, ұлттық парктерде).

Білім және ғылым саласы:

• Спорт және туризм бағытындағы жоғары оқу орындары;
• Туризм колледждері мен арнайы орта білім беру мекемелері;
• Ғылыми-зерттеу институттары (туризм және спорт саласындағы зерттеулермен айналысатын).

6В11107 – Спорттық-сауықтыру фитнесі

Аталған білім беру бағдарламасының түлектері келесі қызметтерді атқара алады:

• Таңдаған спорт түрі бойынша жаттықтырушы;
• Фитнес жаттықтырушысы;
• Фитнес нұсқаушысы немесе методист;
• Санаторийлер мен сауықтыру-курорттық мекемелерде спорттық-сауықтыру қызметтерін ұйымдастырушы;
• Мәдени-демалыс қызметі объектілерінде және денсаулық сақтау орталықтарында жаттықтырушы-нұсқаушы;
• Мемлекеттік органдар мен қоғамдық ұйымдарда спорттық-сауықтыру бағытындағы маман;
• Жеке спорт орталықтары мен фитнес клубтарда жаттықтырушы;
• Орта кәсіптік оқу орындары мен орталықтарында, балалар-жасөспірімдер спорт мектептерінде дене тәрбиесі пәнінің оқытушысы немесе жаттықтырушы ретінде қызмет атқара алады.

Бұл білім беру бағдарламалары түлектерге кәсіби құзыреттілікпен қатар, кең ауқымды мансаптық мүмкіндіктерді қамтамасыз етеді. Түлектер спорт және туризм салаларындағы заманауи талаптарға толықтай сай келетін, жоғары деңгейдегі бәсекеге қабілетті маман ретінде қалыптасады.

Оқу және өндірістік практикалар

«6В11107 – Спорттық-сауықтыру фитнесі» және «6В11106 – Спорттық туризм» мамандықтары бойынша кадрларды дайындау барысында кәсіптік практиканы ұйымдастыру мен өткізу маңызды орын алады. Практика оқу бағдарламасының негізінде, білім беру қызметі аясында жүзеге асырылады.

Практика өткізу орындары – меншік түрлері мен қызмет салалары әртүрлі, мамандыққа сәйкес қажетті материалдық-техникалық база, жабдықтар және ақпараттық технологиялармен қамтамасыз етілген фитнес клубтар (мысалы, World Class, FitNation, Sportlife және т.б.), қонақ үйлердің спорттық-сауықтыру кешендері, сондай-ақ мемлекеттік органдар, қоғамдық ұйымдар, жеке компаниялар, мәдени-демалыс орындары, санаторийлер мен курорттық сауықтыру мекемелері.

Сонымен қатар, оқу және өндірістік практика массаж және оңалту кабинеттерінде (реабилитация орталықтары), экологиялық туризммен айналысатын ұйымдарда, экстремалды және белсенді туризм бағытындағы туристік фирмаларда, ішкі және сыртқы туризмді ұйымдастыратын агенттіктерде, орта кәсіптік оқу орындары мен орталықтарда, балалар мен жасөспірімдер спорт мектептерінде өтеді.

Барлық практика өтетін орындар еңбек және техника қауіпсіздігі талаптарының сақталуына толықтай кепілдік береді, бұл студенттердің қауіпсіздігі мен сапалы кәсіби дайындық алуын қамтамасыз етеді.

Мектеп директоры:

Омаров Бахытжан Сұлтанұлы – PhD, профессор

E-mail:  bakhitzhan.omarov@iuth.edu.kz  

Мекен жайымыз: Спорттық-сауықтыру кешені, Жаңа қала м.а., 32 көше, 10 участок.

Мектеп әдіскері:

Есенбеков Бақдәулет Қапланбекұлы

E-mail: bakdaulet.esenbekov@iuth.edu.kz