Хабарландыру!

«Халықаралық туризм және меймандостық университеті» КеАҚ  Қонақжайлылық мектеп директоры бос лауазымына конкурс жариялайды.

  1. Қонақжайлылық мектебі;

Мектеп директорына қойылатын талаптар:

  • жоғары білімнен кейінгі білімінің болуы (ғылыми немесе академиялық дәрежесінің болуы: ғылым кандидаты/ ғылым докторы немесе PhD);
  • ғылым және білім беру саласында кемінде 5 (бес) жыл жұмыс өтілінің болуы;
  • соңғы 3 жыл ішінде ҚР ҒжЖБ министрлігінің Ғылым және жоғары білім саласындағы сапаны қамтамасыз ету комитеті басылымдарында кемінде 3 мақаласының немесе Clarivateanalytics, Scopus журналдарында кемінде 1 ғылыми мақаласының болуы;
  • Қазақстан Республикасының жоғары және жоғары оқу орнынан кейінгі білім саласындағы нормативтік құқықтық актілерін білуі;
  • IT дағдыларын меңгеруі: стандартты Microsoft Office пакеті;
  • мемлекеттік және орыс тілін, мүмкіндігінше ағылшын тілін білуі;
  • жазбаша және ауызша сауатты сөйлеу;
  • басқарушылық, көшбасшылық және ұйымдастырушылық дағдылардың
  • болуы, оның ішінде іскерлік қарым-қатынас, іскерлік хат алмасу, келіссөздер жүргізу;
  • фандрайзинг дағдыларының болуы;
  • білім беру бағдарламаларын, ғылыми жобаларды және бағдарламалық құжаттарды әзірлеу қабілеті мен тәжірибесінің болуы;
  • магистрлік және докторлық диссертацияларға ғылыми жетекшілік ету тәжірибесі болуы;
  • кәсіптік бағдар беру дағдыларының болуы.

Конкурсқа қатысуға ниет білдірген тұлғалар 2024 жылдың 31 қаңтарына дейін университет ректорының атына (еркін нысанда) өтініш береді (107 каб).

Құжаттар мына мекен-жай бойынша қабылданады: Түркістан қаласы, Рабиға Сұлтан Бегім көшесі, 14 А.

Өзге қала тұрғындары үшін, құжаттарды  kense@iuth.edu.kz электронды поштасы арқылы жіберуге болады.

Қосымша ақпаратты +7 702 109 44 35, +7 701 751 99 70 телефондарына хабарласып немесе kense@iuth.edu.kz арқылы алуға болады.

Өтінішке қоса мынадай құжаттар өткізіледі:

  1. Кадрларды есепке алу жөніндегі жеке парақша;
  2. Өмірбаян;
  3. Жоғары білімі, академиялық және ғылыми дәрежесі туралы дипломдардың көшірмелері, ғылыми атағы туралы құжат және салыстырып тексеру үшін түпнұсқалары;
  4. Қайта даярлау және біліктілікті арттыру туралы сертификаттардың көшірмелері (бар болса) және салыстырып тексеру үшін түпнұсқалары;
  5. Ғылыми жұмыстар мен өнертабыстардың тізімі (бар болса);
  6. Медициналық анықтама № 075 нысан бойынша;
  7. Қылмыстық құқық бұзушылық жасағаны туралы Қазақстан Республикасы Бас прокуратурасының Құқықтық статистика және арнайы есепке алу комитеті беретін есепке алу жөніндегі мәліметтердің болуы, не болмауы туралы анықтама;
  8. Наркологиялық ұйымның конкурсқа қатысушының есепте тұрмағаны туралы анықтамасы;
  9. Конкурсқа қатысушының есепте тұрмағаны туралы Психоневрологиялық ұйымнан анықтама;
  10. Жеке куәлік;
  11. Мектеп директоры лауазымына үміткерлер үшін мектепті дамыту жоспары (презентация 7-10 слайд көлемінде).

Тізбеге сәйкес құжаттардың толық болмауы өтінішті қабылдаудан бас тартуға негіз болып табылады. Конкурсқа қатысушы өзінің біліміне, кәсіби деңгейіне қатысты қосымша ақпаратты (ғылыми жарияланымдар тізімі, бұрынғы жұмыс орны басшылығының ұсыныстары), сондай-ақ жұмыс тәжірибесі мен біліктілігін растайтын құжаттарды ұсынуға құқылы.