ABU TELP бағдарламасы туралы ең жиі қойылатын сұрақтар

Маңызды ақпарат!

– ABU TELP бағдарламасына құжат тапсырудан алдын ата-ананың келісім бергендігі жөнінде растама құжат қажет.

– ABU TELP бағдарламасына өтінімді кәмелет жасына толған білім алушылар бере алады.

– Білім алушылар халықаралық тәжірибеге кіріскенен соң 30 күннен кейін 100 АҚШ доллары көлемінде жалақы алады. Сондықтан өтінім берушінің бастапқыда қалта шығындарын өтеу үшін жеке қаражаты болуы керек.

Ең жиі қойылатын сұрақтар!

• ABU TELP дегеніміз не?

Antalya Bilim University Tourism Experiential Learning Programme (ABU TELP) – ABU туризм саласындағы қолданбалы зерттеулер орталығы ұйымдастырған халықаралық тәжірибе алмасу бағдарламасы.

• Қалай өтінім беруге болады?

Өтінімді https://telp.antalya.edu.tr/ сайтында онлайн беруге болады

• Өтінім беру мерзімі?

26.01.2023 – 10.02.2023

• Өтінімдерді қарастыру процесі

Алдымен өтініштеріңізді серіктес қонақүйлер қарастырады. Одан кейін, TELP өтінім беру жүйесі арқылы ABU TELP бағдарламасына қатысуға шақырту аласыз.

• Білім алушылардың Анталияға баруы:

TELP 2023 бағдарламасына қатысу үшін білім алушылар Анталияға 2023 жылдың 15 наурызына дейін баруы тиіс.

• Бағдарламаның ұзақтығы

Халықаралық тәжірибе алмасу наурыздың ортасынан қазан айының соңына дейін жалғасады.

• Ұшақ шығындары

Қазақстаннан (Түркістан) Анталияға және кері әуе билеттерін сізді бағдарлама бойынша қабылдаған серіктес қонақүй төлейді.

• Жалақы

Білім алушылар халықаралық тәжірибеге кіріскеннен соң, 30 күннен кейін 100 АҚШ доллары мөлшерінде жалақы алады. Білім алушылардың бастапқыда қалта шығындарын өтеу үшін жеке қаражаты болуы тиіс.

• Тұратын жері

Білім алушылар серіктес қонақүй қызметкерлеріне арналған жатақханада тұрады.

• Тамақтану

Серіктес қонақ үй есебінен күніне 3 рет тамақтану.

• Униформа

Білім алушыларға униформаны серіктес қонақ үй береді.

• Жұмыс және бос уақыт

Білім алушылар аптасына 6 күн, күніне 8-9 сағат тәжірибеде болады. Сондай-ақ халықаралық тәжірибеден өту кезеңінде Анталиядан тыс жерлерге шыға алмайсыз.

• Тұруға ықтиярхат (тұруға рұқсат)

Білім алушылар иммиграцияға өтініш беру үшін Анталияға келген бірінші күні ABU кампусына баруы керек. ABU тұруға ыхтиярхат (тұруға рұқсат) алуға өтініш береді. Бұл өтініш үшін барлық құжаттар жарамды, дұрыс және толық болуы керек. Егер құжаттың болмауына, жарамсыз немесе жалған болуына байланысты ABU иммиграциялық өтінішті толтыра алмаса, халықаралық тәжірибе бағдарламасына қатысушы депортацияланады.