2022 жылдың 26 сәуірінде Қазақстан-неміс университетінің халықаралық ынтымақтастық жөніндегі проректоры, профессор Барбара Януш-Павлетта, «су ресурстарын интегралды басқару» магистратура бағдарламасының үйлестірушісі Лариса Когутенко мен Халықаралық туризм және меймандостық университетінің басшылығымен кездесу өтті. Барбара Януш-Павлетта – Алматыдағы Қазақ-неміс университетіне қарасты ЮНЕСКО-ның Орталық Азиядағы су ресурстарын басқару кафедрасының төрайымы болып табылады.
Кездесу барысында қос дипломды білім беру, оқытушылар құрамының академиялық ұтқырлығы, жазғы мектепті бірлесіп ұйымдастыру және Халықаралық туризм және қонақжайлылық университетінде ЮНЕСКО кафедрасын ашуға дайындық мәселелері талқыланды. Профессор Барбара Януш-Павлетта Қазақстан-Неміс университетінде ауқымды халықаралық кафедра ашудағы бай тәжірибесімен бөлісе отырып, біздің университетіміздің инфрақұрылымы ЮНЕСКО кафедрасын ашуға мүмкіндік беретінін атап өтті.
Сондай-ақ, қонақтар туризмнің тұрақты дамуы мен мәдени мұраны сақтауда мұндай оқу бөлімшелерінің жетекші рөл атқаратынын атап өтті. Жақын арада ЮНЕСКО кафедрасын ашу міндеті университетіміздің іс-шаралар жоспарына енгізілгенін ерекше атап өткен жөн.
Қазақ тілі