Түркістанның қақ ортасында 2026 жылғы 20–22 мамыр аралығында «TURKISTAN – 2026: Қожа Ахмет Ясауи мұрасын дәріптеу және ішкі туризмді дамыту» атты маңызды конференция өтті. «Қазақстан мәслихаттары депутаттарының бірлестігі» РҚБ мен Түркістан облыстық мәслихаты туризм саласын дамыту және тарихи-рухани мұраны насихаттау бағытындағы өзекті мәселелерді талқылады. Конференцияға өңір басшылары, мәслихат депутаттары және еліміздің түкпір-түкпірінен келген делегаттар қатысты. Халықаралық туризм және меймандостық университетінің Ректоры міндетін атқарушы Б.К. Мырзаев Университеттің туристік саланың дамуына қосып жатқан үлесі мен білім мен практиканы ұштастыратын жаңа бағыттарын таныстырып, кадрлар даярлауға халықаралық стандарттарды енгізу мәселелерін көтерді.
Түркістан облысы әкімдігінің қолдауымен Түркістандағы «Киіз үй» кешенінде ұйымдастырылған «TURKISTAN – 2026» конференциясы жақында ғана өткен, Түркі цивилизациясы орталығының негізі қаланған Түркі мемлекеттері ұйымының (ТМҰ) Бейресми саммитінің тікелей жалғасы болды. Шара Мемлекет басшысы Қасым-Жомарт Тоқаевтың ойшыл еңбектерін кең көлемде дәріптеу жөніндегі тапсырмаларын іске асыруға бағытталған.
Мәслихат төрағалары өңірлік маршруттарды біріктіруді және бүкіл ел бойынша кітапханаларда бірыңғай ақпараттық жобалар құруды ұсынды. Конференция ҚР Үкіметінің Ясауи мұрасын ілгерілету жөніндегі 2026–2028 жылдарға арналған Іс-қимыл жоспарын бекітуімен тұспа-тұс келді. Бұл жоспар 37 ауқымды іс-шараны (реставрациялау жұмыстарынан бастап жаңа цифрлық маршруттарды іске қосуға дейін) қамтиды.
Түркістан — түркі әлемінің рухани жүрегі және ішкі туризмнің жаңа өсу нүктесі!
Қазақ тілі
