2021 жылы 13 сәуірде университет базасында ҚР Тәуелсіздігінің 30 жылдығына және ғылым қызметкерлері күніне арналған Студенттер мен жас ғалымдардың «Ғылым және білім» атты Халықаралық ғылыми конференциясы өтті.
Конференцияның мақсаты – студенттердің туризм, қонақжайлылық және сервис саласындағы өзіндік зерттеу және практикалық жұмыс үшін қажетті кәсіби құзыреттіліктерін қалыптастыру; дене шынықтыру мен спортты дамытудың өзекті мәселелерін талқылау; денсаулықты сақтау және нығайту, студент жастарды дене шынықтырумен және спортпен тұрақты шұғылдануға тарту, жаңа дене шынықтыру-сауықтыру және спорттық технологияларды анықтау, сондай-ақ ғылыми нәтижелер мен зерттеу тәжірибесімен алмасу.
Конференция бағдарламасына сәйкес бес ғылыми бағыт бойынша пленарлық отырыс өткізілді:
1.Туризм, қонақжайлылық және қызмет көрсету саласын дамытудың әлеуметтік-мәдени, тарихи және құқықтық аспектілері.
2.Туризм және қызмет көрсету: мәселелер мен перспективалар.
- Туризм мен сервистегі ұйымның жаңа формалары.
4.Спорттық-сауықтыру туризмі.
5.Туризм және сервис саласы үшін мамандар даярлау.
Халықаралық конференцияға шетелдік студенттер, қазақстандық жоғары оқу орындарының студенттері, сондай-ақ Халықаралық туризм және меймандостық университетінің білім алушылары қатысты.
Конференция қатысушыларына университет ректоры Майнюра Саветовна Мурзамадиева құттықтау сөз сөйледі. Майнюра Советовна өз сөзінде өткізіліп жатқан іс-шара тақырыбының өзектілігін атап өтіп, ғылымның жастар өміріндегі өсіп келе жатқан рөлін атап өтті.
Конференцияда қатысушылардың қызығушылығын тудырған 40-тан астам баяндама ұсынылды, жемісті пікірталасқа ықпал ететін қолайлы ғылыми атмосфера құрылды.
Халықаралық конференция жұмысы барысында туристік саланың жұмыс істеуі мен дамуының түрлі мәселелері, бейінді білім беруді жетілдіру, туристік саланы басқару мен реттеудің ағымдағы аспектілері, сондай-ақ дене шынықтыру және спорт, дене шынықтыру-сауықтыру, спорттық технологиялар, спорттық-сауықтыру туризмінің проблемалары талқыланды және халықаралық студенттік спорттық қозғалыс дамуының қазіргі заманғы үрдістері талданды.
Секция жұмысы барысында қатысушылар мен қонақтар ұсынылған баяндамалардың әрқайсысын белсенді талқылады. Сөз сөйлеулерде айтылған барлық идеялар туризм және сервис индустриясын, сондай-ақ дене шынықтыру мен спортты дамыту саласындағы жаңа жобаларды әзірлеу үшін пайдаланылуы мүмкін екендігі атап өтілді.
Конференция жемісті және нәтижелі болды.
Конференция жұмысына қатысқан студенттерге сертификаттар мен естелік сыйлықтар табыс етілді. Конференция қорытындысы бойынша еңбектердің электронды жинағы шығарылады.
Қазақ тілі
