Конкурс Қазақстан Республикасының бағдарламалық құжаттарын іске асыруға бағытталған 2023-2025 жылдарға арналған ғылыми және ғылыми-техникалық бағдарламаларды гранттық қаржыландыру бағыты бойынша өтті.
Алдағы уақытта Қазақстан Республикасы Ғылым және жоғары білім министрлігінің Ғылым комитетінің конкурстық құжаттамасына сәйкес, ғылымды дамытудың басым бағыттары бойынша біздің университет мынадай жобаларды іске асыратын болады:
- “Білім және ғылым саласындағы зерттеулер” бағыты бойынша “Тілдер” кафедрасының PhD докторы Акешова Мадина Мурзаханқызының жетекшілігімен «Цифрлық технологияларды пайдалана отырып ағылшын тілін оқытуда туризм мамандарының коммуникативті-танымдық құзыреттілігін арттыру» жобасы
- «Әлеуметтік және гуманитарлық ғылымдар саласындағы зерттеулер» бағыты бойынша “Туризм” кафедрасының PhD докторы Мадина Абдикаримова Нұрболатқызының жетекшілігімен «Қазақстан туризмін әлемдік деңгейде жақсарту мақсатында саяхатшылардың пікірлері негізінде үлкен деректерді (Big Data) талдау және мәтінді өңдеу» ғылыми жобасы
Жобаның әрқайсысы 70 млн теңге көлемінде қаржылай қолдау алады. Бұл жаңалық жыл сайын ғалымдарға жүктелген жауапкершіліктің арта түскенін, сондай-ақ, олардың зерттеу жұмыстарына қойылатын талаптардың жоғарылағанын көрсетеді.
Үздік деп табылған жоба жетекшілерін шын жүректен құттықтаймыз! Қазақстандағы ғылымның игі бастамасы үшін қолдау тапқан өнімді жобаларыңызға әрі қарай да сәттілік тілеп, жаңа ғылыми жетістіктер мен толағай табыс тілейміз!
IUTH Баспасөз қызметі
Қазақ тілі
