Ғылыми зерттеу орталығы

Халықаралық туризм және меймандостық университетінің Ғылыми зерттеу орталығы – университетте жүргізілетін іргелі, қолданбалы және инновациялық негіздегі ғылыми-зерттеу жұмыстарын ұйымдастыру мен үйлестіруді, сондай-ақ ғылыми-зерттеу бағытындағы мамандарды даярлау мен біліктілігін арттыруды басқарады. Ғылыми зерттеу орталығының жұмысы Халықаралық туризм және меймандостық университетінің стратегиялық даму жоспары негізінде айқындалады.

ЖОО-ның ғылыми-зерттеу жұмыстарын ұйымдастыру:

ЖОО-ның ғылыми-зерттеу жұмыстарын ұйымдастыруда Ғылыми зерттеу орталығы жұмысының негізгі мақсаты ғылыми-инновациялық әдістерді қолдана отырып, ғылыми зерттеу жұмыстары сапасының ұдайы өсуін қамтамасыз ету. Сондай-ақ ғылым мен білімнің байланысын және профессор – оқытушылар құрамы (бұдан әрі-ПОҚ) мен білім алушылар жүргізетін ғылыми-зерттеулердің тәжірибелік маңыздылығын нығайту болып табылады.

• ЖОО жоспарының негізгі бағыттары бойынша мектептері және университеттің басқа да құрылымдық бөлімдерінің іргелі және қолданбалы ғылыми-зерттеу жұмыстарын ұйымдастыру және үйлестіру;
• Ғылыми зерттеу жұмыстарын жүзеге асыруда Университет алдында тұрған міндеттердің тиімді орындалуын қамтамсыз ету мақсатында ғылыми-ұйымдастырушылық жұмыстарды әзірлеу, талдау және ақпараттарды таратуды ұйымдастыру;
• Университеттің негізгі ғылыми-зерттеу бағыттарын, мектептердің және басқа құрылымдық бөлімшелердің, сонымен қатар сыртқы ұйымдардың ұсыныстарын ескере отырып, университеттің ғылыми зерттеу жұмысының жылдық жоспарын жасау. Сондай-ақ, ЖОО ғылыми жұмысы туралы қорытынды есеп беру;
• Университет метептерімен бірлесе отырып ғылыми-теориялық, ғылыми-практикалық, ғылыми-әдістемелік конференциялар, симпозиумдар, семинарлар, кеңестер және өзге де ғылыми іс-шаралар ұйымдастыру;
• Халықаралық және республикалық ғылыми байланыстарды жүзеге асыру;
• Университет қызметкерлері мен ОПҚ бағыты бойынша ҚРҒЖБСҚК мақұлдаған журналдарда мақала жариялау сапасын арттыруды ұйымдастыру және бақылау;
• Университет қызметкерлері мен ОПҚ бағыты бойынша халықаралық рецензияланатын мақала жариялау сапасын арттыруды ұйымдастыру және бақылау;
• Университет қызметкерлері мен ОПҚ-ның Ғылым және жоғарғы білім министрлігі қаржыландыратын гранттық жобаға жоба әзірлеп, байқауға қатысуын ұйымдастыру және бақылау;
• Университет қызметкерлері мен ОПҚ-ның Туризм және спорт министрлігі қаржыландыратын (мақсатты) гранттық жобаға жоба әзірлеп, байқауға қатысуын ұйымдастыру және бақылау;
• Түрлі байқаулар, олимпиадалар, ғылыми конференцияларға магистранттар мен студенттердің қатысуын ұйымдастыру және бақылау.