«Ой мен пікірдің тоғысы» әдеби кездесу

Халықаралық туризм және меймандостық университетінің Кітапханасында қызметкерлер арасында еркін форматта көркем шығармаларды оқу бойынша шығармашылық конкурс өтті.

Кездесу барысында «Ұшқан ұя», «Әке», «Ұлпан» сияқты белгілі әдеби шығармалар талқыланды.

Конкурстың мақсаты — қызметкерлердің оқу мәдениетін дамыту, шығармашылық қабілеттерін қолдау, көркем әдебиетке қызығушылығын арттыру, өзіндік шығармашылықты таныту алаңын құру және корпоративтік рухты нығайту.

Іс-шараның ұйымдастырушысы — аға кітапханашы Алдашукурова М.Н.

Конкурсқа қатысқан барлық қатысушылар алғыс хаттармен марапатталды.

Өткізілген конкурс қызметкерлер арасында шығармашылық қарым-қатынас пен мәдени дамуға ықпал ететін маңызды және сұранысқа ие алаң екенін көрсетті.

Кездесу қорытындысында іс-шараны тұрақты түрде өткізу, жанрлық ауқымды кеңейту және номинациялар санын көбейту туралы ұсыныстар айтылды.